ზოგადად, პოლონეთში უცხოელის დასაქმება მოითხოვს მუშაობის ნებართვის მიღებას ან უცხოელისთვის სამუშაოს შესრულების მინდობის შესახებ განცხადების წარდგენას. დებულებები ითვალისწინებს რამდენიმე ტიპის ნებართვას. პოლონეთში უცხოელის ყოფნის დაკანონების ზოგიერთი დოკუმენტი მას საშუალებას აძლევს, ნებართვის ან განცხადების მიღების გარეშე, შეუდგეს ლეგალურ საქმიანობას.
ნებართვის გარეშე მუშაობის გამამართლებელი გარემოებები მითითებულია შემდეგ სამართლებრივ აქტებში:
- 2004 წლის 20 აპრილის დასაქმების ხელშეწყობისა და შრომის ბაზრის ინსტიტუციების შესახებ კანონი (2024 წ. საკ.მაც. პუნქ. 475, 742, 858, 863, 1089, 1572), მუხ. 87 აბ. 2 3.
- 2015 წლის 21 აპრილის შრომისა და სოციალური პოლიტიკის მინისტრის დადგენილება იმ შემთხვევებზე, როდესაც პოლონეთის რესპუბლიკის ტერიტორიაზე უცხოელისთვის სამუშაოს შესრულება დასაშვებია მუშაობის ნებართვის მიღების საჭიროების გარეშე (2021 საკ.მაც. პუნქ. 2291).
- 2018 წლის 20 ივლისის უმაღლესი განათლებისა და მეცნიერების შესახებ კანონი (2024 წ. საკ.მაც. პუნქ. 1571), მუხ. 325.
- 2010 წლის 30 აპრილს პოლონეთის მეცნიერებათა აკადემიის შესახებ კანონი ( 2020 წ. საკ.მაც. პუნქ. 1796), მუხ. 93.
ნებართვას გასცემს ვოევოდა დამსაქმებლის მოთხოვნით, კონკრეტული უცხოელისთვის, კონკრეტული ვადით და კონკრეტულ პირობებზე სამუშაოდ. დასაქმება უნდა მოხდეს ამ ნებართვაში განსაზღვრული პირობებით. დამსაქმებელი ვალდებულია მიღებული ნებართვის ერთი ეგზემპლარი გადასცეს უცხოელს.
უცხოელების ზოგიერთი კატეგორია იყენებს გამარტივებულ პროცედურას: ნებართვის ნაცვლად, მათ შეუძლიათ იმუშაონ უცხოელისთვის სამუშაოს შესრულების მინდობის შესახებ განცხადების საფუძველზე.
განცხადება ვრცელდება იმ უცხოელებზე, რომლებიც აკმაყოფილებენ შემდეგ პირობებს:
- ისინი არიან სომხეთის, ბელარუსის, მოლდოვის, საქართველოს ან უკრაინის მოქალაქეები.
- სამუშაო უნდა შესრულდეს მაქსიმუმ 24 თვის განმავლობაში და მისი შესრულება დაიწყება განცხადების წარდგენიდან 6 თვის განმავლობაში.
- სამუშაო არ არის სეზონური ხასიათის (სეზონური სამუშაოებისთვის საჭიროა ნებართვა).
- უცხოელის ანაზღაურება არ უნდა იყოს იმაზე დაბალი, ვიდრე მოცემული ტიპის სამუშაოს შემსრულებელი ან იგივე თანამდებობის მქონე თანამშრომლების ანაზღაურება.
განცხადება წარედგინება რაიონულ შრომის სამსახურს. მათი გაგზავნა შესაძლებელია ონლაინ. სამსახური აწარმოებს განცხადების აღრიცხვას. აღრიცხვაზე აყვანის შემდეგ, განცხადებაში სამუშაოს დაწყების თარიღად მითითებული დღიდან 7 დღის განმავლობაში, დამსაქმებელი ვალდებულია წერილობით აცნობოს რაიონის შრომით სამსახურს უცხოელის მიერ სამუშაოს დაწყების ან არ დაწყების შესახებ.
სამართლებრივი საფუძვლები:
2004 წლის 20 აპრილის დასაქმების ხელშეწყობისა და შრომის ბაზრის ინსტიტუციების შესახებ კანონი მუხ. 87 აბ. 3, 88 (2024 წ. საკ.მაც. პუნქ. 475, 742, 858, 863, 1089, 1572),
უცხოელისთვის სამუშაოს შესრულების მინდობის შესახებ განცხადებების შესახებ დეტალური ინფორმაციის მიღება შესაძლებელია შემდეგ მისამართზე:
დამსაქმებლის ვალდებულებები უცხოელის დასაქმებამდე:
- პოლონეთში ლეგალური ბინადრობის ნებართვის დამადასტურებელი დოკუმენტის წარდგენის მოთხოვნა,
- 1 პუნქტში მითითებული დოკუმენტის მომზადება და შენახვა დასაქმების მთელი პერიოდისთვის,
- შემოწმება, აძლევს თუ არა ბინადრობის ნებართვა უცხოელს უფლებას იმუშაოს ლეგალურად ნებართვის/განცხადების გარეშე, და თუ არა – დამსაქმებელი ვალდებულია უცხოელისთვის მოამზადოს ნებართვა ან განცხადება სამუშაოს შესრულების მინდობის შესახებ. შესაბამისად, სამუშაო ნებართვის მიღება ან აღრიცხვა უნდა მოხდეს უცხოელის მიერ სამუშაოს დაწყებამდე,
- უცხოელის დასაქმება სამუშაო ნებართვაში/განცხადებაში განსაზღვრული პირობებით,
- უცხოელის ინფორმირება სამუშაო ნებართვის გაცემის ან მისი გახანგრძლივების პროცედურასთან დაკავშირებით განხორციელებული ქმედებების შესახებ, ასევე ნებართვის გაცემის, გაცემაზე უარის თქმის ან გაუქმების შესახებ გადაწყვეტილებების ინფორმირება,
- უცხოელის სამუშაო ნებართვის გაცემის, გახანგრძლივებისა და გაუქმების საქმისწარმოების გულმოდგინეთ წარმართვა,
- წარუდგინოს ვოიევუდას, შესაბამის საგადასახადო სამსახურის უფროსს, ZUS [სოციალური დაზღვევის დაწესებულების] ადგილობრივ ორგანიზაციულ ერთეულს, კონსულს, შრომის ეროვნული ინსპექციას, საბაჟო სამსახურს, სასაზღვრო დაცვას ან პოლიციას პოლონურ ენაზე შედგენილი ან პოლონურ ენაზე ნათარგმნი ზემოაღნიშნული ვალდებულებების შესრულების დამადასტურებელი დოკუმენტები,
- 7 დღის განმავლობაში შეატყობინოს ვოიევუდას, რომელმაც გასცა სამუშაო ნებართვა, უცხოელის საქმიანობასთან დაკავშირებულ დებულებებში მითითებულ გარემოებებში ცვლილებების შესახებ,
- უცხოელისათვის მინდობილი სამუშაოს შესახებ განცხადების შემთხვევაში – წერილობით შეატყობინოს რაიონის შრომით სამსახურს, განცხადებაში სამუშაოს დაწყების თარიღად მითითებული დღიდან 7 დღის განმავლობაში, უცხოელის მიერ სამუშაოს დაწყების ან არ დაწყების შესახებ.
სამართლებრივი საფუძვლები:
2024 წლის 20 აპრილის დასაქმების ხელშეწყობისა და შრომის ბაზრის ინსტიტუციების შესახებ კანონის მუხ. 88ჰ, ასევე 88ზ (2024 წ. საკ.მაც. პუნქ. 475, 742, 858, 863, 1089, 1572),
უცხოელები, რომლებიც შრომითი ხელშეკრულების საფუძველზე ასრულებენ სამუშაოს პოლონეთში ან მივლინებულები არიან პოლონეთში სამუშაოდ, ასრულებენ სამუშაოს პოლონეთის დებულებების შესაბამისად. უცხოელების სამუშაო პირობები, რომელიც ეხება სტანდარტებს და სამუშაო დროს, შვებულებას, მინიმალურ ხელფას, ზეგანაკვეთურ სამუშაოს, შრომის ჯანმრთელობას და უსაფრთხოებას, არ შეიძლება იყოს შრომის კოდექსით გარანტირებულზე უარესი (1974 წლის 26 ივნისის შრომის კოდექსი, ანუ 2023 წ. საკ.მაც. პუნქ. 1465, 2024 წ. პუნქ. 878, 1222).
წესით, შრომითი ხელშეკრულებები და სხვა დოკუმენტები შრომითი სამართლის სფეროში შედგენილია პოლონურ ენაზე, თუ ისინი ეხება იმ პირებს, რომლებსაც საცხოვრებელი ადგილი და სამუშაო აქვთ პოლონეთში. დამატებით შეიძლება შედგეს ხელშეკრულების/დოკუმენტის სხვა ენობრივი ვერსიები.
სამართლებრივი საფუძვლები:
1999 წლის 7 ოქტომბრის პოლონური ენის შესახებ კანონის მუხ. 7 აბ. 1 და მუხ. 8 აბ. 1ა (2024 წ. საკ.მაც. პუნქ. 1556).
უცხოელებთან დადებულ ხელშეკრულებებთან დაკავშირებით ზოგადი წესის გარდა არსებობს გამონაკლისი – იმ პირის მოთხოვნით, რომელსაც არ გააჩნია პოლონეთის მოქალაქეობა, ხელშეკრულება ან სხვა დოკუმენტი შრომითი სამართლის სფეროში შეიძლება შედგენილი იყოს პოლონურის გარდა სხვა ენაზე.
სამართლებრივი საფუძვლები:
1999 წლის 7 ოქტომბრის პოლონური ენის შესახებ კანონის მუხ. 8 აბ. 1ა (2024 წ. საკ.მაც. პუნქ. 1556).
სუბიექტი, რომელიც სამუშაოს ანდობს უცხოელს, ვალდებულია გააფორმოს მასთან წერილობითი ხელშეკრულება და წარმოადგინოს მისი თარგმანი უცხოელის მიერ გასაგებ ენაზე
სამართლებრივი საფუძვლები:
2004 წლის 20 აპრილის დასაქმების ხელშეწყობისა და ბაზრის ინსტიტუციების შესახებ კანონის მუხ. 88ჰ აბ. 1 პუნქ. 3 მუხ. 90დ აბ. 2 (2024 წ. საკ.მაც. პუნქ. 475, 742, 858, 863, 1089, 1572).
ინფორმაცია მიმდინარე თარიღის მდგომარეობით: .
პორტალის სარედაქციო ჯგუფი ზრუნავს, რომ წარმოდგენილი შინაარსი შეესაბამებოდეს კანონს, იყოს განახლებული (გამოქვეყნების თარიღისთვის, რომელიც მითითებულია თითოეულ ქვეგვერდზე) და სასარგებლო მომხმარებლებისთვის. გაფრთხილებთ, რომ პორტალზე განთავსებული კონტენტი მხოლოდ და მხოლოდ ზოგადად წარმოაჩენს წამოჭრილი საკითხების არსს. ის არ წარმოადგენენ რჩევებს ან სამართლებრივ მოსაზრებებს და არ უნდა წარმოადგენდეს კონკრეტული სამართლებრივი პრობლემების გადაჭრის შესახებ გადაწყვეტილებების ერთადერთ საფუძველს. ინდივიდუალური იურიდიული დახმარების მისაღებად აუცილებელია კონსულტაციის მიღება კვალიფიციურ სუბიექტებისგან.