Լեհաստանում փոստային կապի պետական օպերատորն է Poczta Polska S.A. [Լեհական փոստ ԲԸ]
Poczta Polska S.A.- ն [Լեհական փոստ ԲԸ], այսպես կոչված նշանակված օպերատորն է, որը կարևոր է դատական և վարչական վարույթներում առաքման ժամկետները պահպանելու համար:
Դա նշանակում է, որ փոստային բաժանմունքում նամակ/ծանրոց ուղարկելը, նույնիսկ դատարանի կամ մեկ այլ մարմնի կողմից սահմանված վերջին օրը, համարվում է այդ ժամկետը պահպանված: Կարևոր է, որ այն պատվիրված նամակ լինի, քանի որ այնուհետև նամակը գրանցվում է, ուղարկողը ստանում է նամակագրության ուղարկման ամսաթվի հաստատումը և, անհրաժեշտության դեպքում, կարող է ապացուցել վերջնաժամկետի պահպանումը:
Պաշտոնական և դատական նամակները սովորաբար հասցեատերերին են փոխանցվում Լեհական փոստի փոստատարների կողմից ՝ բնակության վայրում, աշխատավայրում կամ գրանցված գրասենյակում: Հասցեատիրոջ բացակայության դեպքում փոստատարը թողնում է, այսպես կոչված առաքանի, այսինքն ՝ առաքման մասին պաշտոնական ծանուցում (առաքանին թողնվում է երկու անգամ ՝ յուրաքանչյուրը 7 օր ժամկետով): Հասցեատերը կարող է սահմանված ժամկետում վերցնել նամակը/ծանրոցը առաքանու մեջ նշված վայրում (փոստային բաժանմունքից կամ համայնքապետարանից):Կրկնակի անգամ թողնված նամակը ստանալու առաքանու ժամկետը լրանալուց
հետո նամակը վերադարձվում է այն ուղարկողին՝ նշումով, որ այն չի վերցվել։ Կարևոր է, որ դատական և վարչական վարույթներում, առաքանիով ուղարկված նամակագրությունը չվերցնելու դեպքում, ընդունվում է այսպես կոչված առաքման ֆիկցիան, այսինքն ՝ նման նամակագրությունը համարվում է առաքված (բացառությունները նշված են օրենքի դրույթներում, օրինակ ՝ Քաղաքացիական դատավարության օրենսգրքի 139 1 հոդվածում):
Իրավական հիմք՝
2012 թ. նոյեմբերի 23 — ի “Փոստային օրենք” (մ․տ․ Օր․ Ժ․ առ 2024 թ., կետ 467,1222)
Առաքումներ ՝
- Վարչական վարույթում՝ 1960 թ․ հունիսի 14 — ի Վարչական դատավարության օրենսգրքի 39 – 49բ հոդ․ (մ․տ․ Օր․ Ժ․ առ 2023 թ., կետ 775,803։)
- Վարչական դատական վարույթում՝ 2002 թ. օգոստոսի 30 — ի Վարչական դատարանների առջև վարույթի մասին օրենքի 65 -81 հոդ․ (մ․տ․ Օր․ Ժ․ առ 2024 թ., կետ 935)
- Քաղաքացիական վարույթում՝ 1964 թ․ նոյեմբերի 17 — ի Քաղաքացիական դատավարության օրենսգրքի 131 -147 հոդ․ (մ․տ․ Օր․ Ժ․ հիման վրա, առ 2024 թ., կետ 1568)
- Քրեական վարույթում՝ 1997 թ. հունիսի 6 — ի Քրեական դատավարության օրենսգրքի 128 -132 հոդ․ (մ․տ․ Օր․ Ժ․ առ 2024 թ., կետ 37,1222,1248։)
Բացի Poczta Polska S.A.- ի ծառայություններից, Լեհաստանում դինամիկ զարգանում է փոստային և սուրհանդակային ծանրոցների ոլորտում մասնավոր ծառայությունների շուկան:
Բազմաթիվ տեղական և արտասահմանյան ընկերություններ ծանրոցներ են առաքում ամբողջ երկրում: Անհատ օպերատորների ծառայությունները բազմազան են, ներառում է, ի թիվս այլոց. ծանրոցների հավաքում բնակության վայրից, դրանց թողնումը ուղարկման կետում կամ պատվերի կատարումը փոստային ավտոմատացված սարքերի միջոցով:
Հարկ է նշել, որ նշանակվածից բացի այլ օպերատորի (ներկայումս ՝ Poczta Polska S.A.) կողմից պաշտոնական կամ դատական նամակներ/ծանրոցներ ուղարկելը չի հանգեցնում ուղարկման օրվա վերջնաժամկետի պահպանմանը. նման իրավիճակում ժամկետի պահպանման գնահատման համար կհամարվի նամակը/ծանրոցը դատարան կամ մարմնին հանձնելու օրը։ Ավելի քան մեկ տասնյակ տարի Լեհաստանում գործում են փոստային ավտոմատ սարքեր, այսինքն ՝ ավտոմատ փոստարկղեր, որոնք ծառայում են են նամակներ/ծանրոցներ ուղարկելու և ստանալու համար:
Տեղեկատվությունն ակտուալ է ըստ՝ դրությամբ:
Պորտալի խմբագրական թիմը գործադրում է բոլոր ջանքերը, որպեսզի ներկայացված բովանդակությունը համապատասխանի օրենքին, լինի արդիական (հրապարակման ամսաթվի դրությամբ՝ նշված յուրաքանչյուր ենթաէջում) և օգտակար օգտատերերի համար: Վերապահում ենք, որ կայքում տեղադրված բովանդակությունը միայն տեղեկատվական նպատակներով է և միայն ընդհանուր առմամբ ներկայացնում է բարձրացված հարցերի էությունը: Դրանք առանձին դեպքերում իրավական խորհրդատվություն կամ կարծիք չեն հանդիսանում և չպետք է լինեն միակ հիմքը կոնկրետ իրավական խնդիրների լուծման վերաբերյալ որոշումների համար: Անհատական իրավաբանական օգնություն ստանալու համար անհրաժեշտ է խորհրդատվություն ստանալ որակավորված անձանցից: