Հայրենադարձության ազգային վիզա

Հայրենադարձն այն անձն է, ով Լեհաստան է եկել հայրենադարձության նպատակով տրված ազգային վիզայի հիման վրա ՝ Լեհաստանում մշտական բնակություն հաստատելու նպատակով:

Իրավական հիմք՝

“Հայրենադարձության մասին” 2000 թ ․ նոյեմբերի 9 — ի օրենք, մ․տ․ Օր․ Ժ․ առ 2022 թ. կետ 1105.

Հայրենադարձության վիզա ստանալու պայմանները (պետք է բավարարվեն միասին).

1. Մշտական բնակություն ներկայիս Հայաստանի Հանրապետության, Ադրբեջանի Հանրապետության, Վրաստանի, Ղազախստանի Հանրապետության, Ղրղզստանի Հանրապետության, Տաջիկստանի Հանրապետության, Թուրքմենստանի, Ուզբեկստանի կամ Ռուսաստանի Դաշնության ասիական մասում մինչև սույն օրենքի ուժի մեջ մտնելը. (այսինքն՝ մինչև 2001 թ․ հունվարի 1-ը)
2. Լեհական ծագում

Լեհական ծագում ունեցող անձի ճանաչումը պետք է բավարարի երկու պայման (միասին).

1. Անձի ծնողներից կամ տատիկ — պապիկներից առնվազն մեկը կամ երկու նախապապերը եղել են ազգությամբ լեհ
2. Լեհաստանի հետ կապի ներկայացում

Լեհական ծագումը պետք է հաստատվի Լեհաստանի պետական կամ եկեղեցական իշխանությունների, նախկին Խորհրդային Սոցիալիստական Հանրապետությունների Միության իշխանությունների, դիմումատուի կամ նրա ծնողների, տատիկ — պապիկների, նախապապերի և նախատատերի վերաբերյալ տրված փաստաթղթերի ներկայացմամբ: Դրանք կարող են լինել, օրինակ,

• անձը հաստատող լեհական փաստաթղթեր,
• քաղաքացիական կացության ակտերը կամ դրանց պատճենները,
• մկրտության վկայականներ, որոնք հաստատում են կապը Լեհաստանի հետ,
• լեհական բանակում ծառայությունը հաստատող փաստաթղթեր, որոնք պարունակում են գրառումազգությամբ լեհ լինելու մասին;
• արտաքսման կամ ազատազրկման փաստը հաստատող փաստաթղթեր, որոնք պարունակում են տեղեկություններ ազգությամբ լեհ լինելու մասին;

Հայրենադարձության նպատակով ազգային վիզա կարող է տրվել նաև հայրենադարձության պայմանները (մինչև չորրորդ աստիճան) բավարարող անձի ամուսնուն և ժառանգներին, ինչպես նաև այդ ժառանգների ամուսիններին, եթե այդ անձինք մտադիր են գալ հայրենադարձի հետ միասին Լեհաստան։

Հայրենադարձողի ծնողական իրավասության տակ մնացած անչափահասին հայրենադարձության նպատակով ազգային վիզա տրամադրելը պահանջում է մյուս ծնողի համաձայնությունը:

Եթե անչափահասը 16 տարեկան է, նրա համաձայնությունը նույնպես պահանջվում է վիզա տրամադրելու համար:

Եթե մյուս ծնողը համաձայն չէ, որ երեխան ձեռք բերի Լեհաստանի քաղաքացիություն (որը հայրենադարձության նպատակով տրված ազգային վիզայի հիման վրա սահմանը հատելու արդյունք է), և միևնույն ժամանակ երեխան մնում է այն անձի ծնողական իշխանության ներքո, ով ցանկանում է օգտվել հայրենադարձության ընթացակարգից, նման երեխայի համար հնարավոր է ստանալ Լեհաստանում մշտական բնակության թույլտվություն (համապատասխան դիմումը կցվում է հայրենադարձության նպատակով ազգային վիզայի դիմումին): Մշտական կացության թույլտվություն կարող է տրվել նաև հայրենադարձի ամուսնու համար, ով մտադիր է հայրենադարձի հետ միասին բնակություն հաստատել Լեհաստանում և միևնույն ժամանակ չի ցանկանում դիմել հայրենադարձության վիզայի համար, որն անքակտելիորեն կապված է սահմանը հատելու պահին Լեհաստանի քաղաքացիություն ստանալու հետ։ Մշտական բնակության թույլտվության տրամադրման կամ մերժման իրավասու մարմինը Օտարերկրացիների հարցերով գրասենյակի ղեկավարն է։ Կացության քարտը տրվում կամ փոխանակվում է օտարերկրացու բնակության վայրի համար իրավասու վոյևոդի կողմից:

Իրավական հիմք՝
“Հայրենադարձության մասին” 2000 թ ․ նոյեմբերի 9 — ի օրենք, մ․տ․ Օր․ Ժ․ առ 2022 թ. կետ 1105.
Կացության թույլտվությունների և կացության քարտերի շրջանակներում. 2013 թ ․ դեկտեմբերի 12 — ի «Օտարերկրացիների մասին» օրենքի VI և VII բաժինների դրույթները (մ․տ ․ Օր ․ Ժ․ առ 2024 թ., կետ 769, 1222, 1688)

Հայրենադարձության համար ազգային վիզա ստանալու ֆորմալ խոչընդոտները.

1. Լեհաստանի քաղաքացիության կորուստ, որը ձեռք է բերվել հայրենադարձության միջոցով կամ
2. հայրենադարձություն Լեհաստանի Հանրապետության տարածքից կամ Լեհաստանի Ժողովրդական Հանրապետությունից, Լեհաստանի Հանրապետության կողմից կամ Լեհաստանի Ժողովրդական Հանրապետության կողմից 1944–1957 թվականներին Բելառուսի Խորհրդային Սոցիալիստական Հանրապետության, Ուկրաինայի Խորհրդային Սոցիալիստական Հանրապետության, Լիտվայի Խորհրդային Սոցիալիստական Հանրապետության և Խորհրդային Սոցիալիստական Հանրապետությունների Միության հետ կնքված հայրենադարձության պայմանագրերի հիման վրա՝ այդ համաձայնագրերի մասնակից երկրներից որևէ մեկը, կամ
3. գործունեությունը ի վնաս Լեհաստանի Հանրապետության հիմնական շահերի, Լեհաստանի Հանրապետությունից դուրս գտնվելու ընթացքում կամ
4. Մասնակցություն մարդու իրավունքների խախտումներին (ներկայիս կամ անցյալում), կամ
5. շահագրգիռ անձը ներառված է Շենգենյան տեղեկատվական համակարգում մուտքը մերժելու նպատակով, կամ
6. դա պահանջվում է ազգային պաշտպանության կամ անվտանգության նկատառումներով կամ հասարակական անվտանգության և կարգուկանոնի պաշտպանության համար, կամ
7. անձի տվյալները պետք է մուտքագրվեն այն օտարերկրացիների ցուցակում, որոնց Լեհաստանի Հանրապետության տարածքում գտնվելն անցանկալի է:

Իրավական հիմք՝

“Հայրենադարձության մասին” 2000 թ ․ նոյեմբերի 9 — ի օրենքի 10a հոդված, մ․տ ․ Օր ․ Ժ․ առ 2022 թ. կետ 1105.

Հայրենադարձության համար ազգային վիզա ստանալը

Հայրենադարձության վիզա ստանալու գործընթացը բաղկացած է մի քանի փուլերից:

• Հայրենադարձության վիզա ստանալու հարցում հետաքրքրված անձը լրացնում և փաստաթղթերի հետ միասին դիմում է ներկայացնում Լեհաստանի Հանրապետության հյուպատոսին (անհրաժեշտ է անձամբ դիմում ներկայացնել, բացառությամբ այն դեպքերի, երբ հյուպատոսը հրաժարվում է այդ պահանջից՝ հատուկ դեպքերում, որոնք հիմնավորվում են անձի անձնական իրավիճակով): Դիմումը ներկայացվում է հատուկ ձևաթղթով՝ կցելով փաստաթղթերը, որոնք նշված են «Հայրենադարձության մասին» օրենքի 10b հոդ․ պարբ․ 4-ում։ Ֆորմալ թերություններ պարունակող դիմումը կվերադարձվի լրացման՝ 30 օրվա ընթացքում.
• Հյուպատոսը ստուգում է տեղեկատվությունը, դիմումը և փաստաթղթերը (պատրաստում է ներկայացված փաստաթղթերի պատճենները), հարցազրույց է անցկացնում դիմորդի հետ և որոշում կայացնում ճանաչել կամ մերժել դիմողին որպես լեհական ծագում ունեցող անձ:
• Եթե 2-րդ կետում նշված որոշումը դրական է (դիմողը համարվել է լեհական ծագում ունեցող անձ), հյուպատոսը դիմումը որոշման հետ միասին ուղարկում է համապատասխան ներքին գործերի նախարարին Հայրենադարձության համար վիզա տրամադրելու թույլտվություն ստանալու նպատակով: Նախարարը դիմորդի մասին տեղեկություններ է ստանում Սահմանապահ զորքերի գլխավոր հրամանատարից, Ոստիկանության գլխավոր հրամանատարից, Ներքին անվտանգության ծառայության պետից, անհրաժեշտության դեպքում նաև Հետախուզական վարչության պետից, Ազգային հիշողության ինստիտուտի — լեհ ազգի դեմ հանցագործությունների հետապնդման հանձնաժողովի նախագահից կամ վոյևոդից;
• Նախարարի համաձայնությունը ստանալուց հետո փաստաթղթերը վերադարձվում են հյուպատոսին
• Դիմումատուն ներկայացնում է ապացույցներ, որոնք հաստատում են բնակության պայմանների առկայությունը կամ ապահովումը, այն է՝ ունենալ եկամտի աղբյուրներ և բնակելի տարածք կամ տեղ ունենալ հայրենադարձների համար նախատեսված կենտրոնում: Այս ապացույցը չի պահանջվում Լեհաստանի Հանրապետության տարածքում կենսաթոշակային իրավունք ունեցող անձանց և անչափահասների դեպքում:

Փաստաթուղթը, որը հաստատում է բնակության համար անհրաժեշտ պայմանները, դա առկա է բնակելի տարածքի օրինական իրավունքը հաստատող փաստաթուղթ է 12 ամսից ոչ պակաս ժամկետով և աշխատանքային հայտարարագիր կամ աշխատանքային պայմանագիր 12 ամսից ոչ պակաս ժամկետով։

Փաստաթուղթը, որը հաստատում է բնակության համար անհրաժեշտ պայմանները հետևյալ փաստաթղթերից մեկն է.

• Հայրենադարձության հարցերով Կառավարության լիազոր ներկայացուցչի որոշումը հայրենադարձների համար ադապտացիոն կենտրոնում տեղ հատկացնելու մասին (տրված է հյուպատոսի կողմից հայրենադարձության նպատակով ազգային վիզա տրամադրելու համար համապատասխան որոշումը կայացնելու օրվանից 3 տարվա ընթացքում, վերջնաժամկետը կարող է երկարաձգվել երկու տարով, եթե կենտրոնում տեղ չկա);
• Համայնքի խորհրդի որոշումը, որը պարունակում է բնակավայրի համար պայմաններ ապահովելու պարտավորություն ոչ պակաս, քան երկու տարի ժամկետով,

կամ

• Լեհաստանի Հանրապետության տարածքում նստավայր ունեցող Լեհաստանի քաղաքացու, իրավաբանական անձի կամ իրավաբանական անձ չհանդիսացող կազմակերպական միավորի հայտարարությունը, որը պարունակում է 2 տարուց ոչ պակաս ժամկետով բնակության պայմաններ ապահովելու պարտավորություն: Ընդորում, Լեհաստանի քաղաքացու հայտարարությունը կարող է տարածվել միայն այդ անձի հետնորդների, ժառանգների կամ քույր և եղբայրների վրա:
• Բոլոր պայմանները բավարարելուց հետո հյուպատոսը տրամադրում է հայրենադարձության վիզա (անձնագրում վիզայի կպչուն պիտակ): Վիզան վավեր է 12 ամիս ։ Այս ընթացքում անհրաժեշտ է ժամանել Լեհաստան։

Իրավական հիմք՝

” “Հայրենադարձության մասին” 2000 թ ․ նոյեմբերի 9 — ի օրենքի 10a հոդված, մ․տ ․ Օր ․ Ժ․ առ 2022 թ. կետ 1105.

Ուշադրությու ՛ ն Այն անձի համար, ով չունի բնակելի տարածք և եկամտի աղբյուր կամ տեղ կենտրոնում, բայց բավարարում է հայրենադարձության մյուս պայմանները, հյուպատոսը որոշում է կայացնում հայրենադարձության նպատակով ազգային վիզա տրամադրելու մասին: Ներքին գործերի նախարարը կարող է չեղյալ համարել այդ որոշումը ” Հայրենադարձության մասին” օրենքի 11-րդ հոդ․ 2-րդ պարբ․ մեջ նշված դեպքերում։

Հայրենադարձ թեկնածուն հյուպատոսից ստանում է տեղեկություններ բնակարանային պայմանների և եկամտի աղբյուրների վերաբերյալ, որոնք հավաքագրվում են Հայրենադարձության հարցերով կառավարության լիազոր ներկայացուցչի կողմից։

Իրավական հիմք՝

” “Հայրենադարձության մասին” 2000 թ ․ նոյեմբերի 9 — ի օրենքի 11-րդ հոդ․, մ․տ․ Օր․ Ժ․ առ 2022 թ. կետ 1105.

Ձևակերպումներ Լեհաստան ժամանելուց հետո

1. Քաղաքացիական կացության ակտերի գրանցում (ծննդյան, ամուսնության), երդվյալ թարգմանչի կողմից կազմված թարգմանությունների հետ միասին, լեհական Քաղաքացիական կացության ակտերի գրանցման բաժնում։ — Այս գրանցումը հնարավոր է իրականացվել նախքան Լեհաստան ժամանելը ՝ հյուպատոսի միջնորդությամբ: Հայրենադարձ թեկնածուն, բնակության կարգավորման պայմանների տիրապետումը կամ ապահովումը հաստատող փաստաթղթեր ներկայացնելուց հետո, կարող է դիմել հյուպատոսին՝ լեհական քաղաքացիական կացության ակտեր կազմելու համար (հյուպատոսը դիմումը փաստաթղթերի հետ միասին ուղարկում է հայրենադարձի կողմից ընտրված Քաղաքացիական կացության ակտերի գրանցման գրասենյակի ղեկավարին);
2. Վոյևոդության գրասենյակից Լեհաստանի քաղաքացիություն ստանալու հաստատումը տրվում է (կցված վիզայով անձնագրի հիման վրա և Լեհաստանի ՔԿԱԳ-ում ստացված քաղաքացիական կացության ակտերի պատճենները ներկայացնելուց հետո.
3. Նույնականացման քարտի ստացում (դիմում Համայնքային գրասենյակում կամ Քաղաքապետարանում)
4. Գրանցում (բնակության վայրում ՝Համայնքային գրասենյակում կամ Քաղաքապետարանում)
5. PESEL համարի տրամադրում (բնակության վայրում գտնվող Համայնքային գրասենյակում կամ Քաղաքապետարանում)

Լեհաստանի քաղաքացիության ձեռքբերում

Քաղաքացիության ձեռքբերումը տեղի է ունենում հայրենադարձության նպատակով տրված ազգային վիզայի հիման վրա սահմանը հատելուց հետո:

Հայրենադարձ ճանաչվելու դեպքում քաղաքացիության ձեռքբերումը տեղի է ունենում հայրենադարձ ճանաչվելու մասին որոշումը տալու օրը, եթե այդ որոշումը վերջնական դառնա:

Իրավական հիմք՝

” «Հայրենադարձության մասին» օրենքի 4 — րդ և 16 c հոդվածներ

Հայրենադարձի ճանաչում

Հայրենադարձի ճանաչումը հայրենադարձության նպատակով ազգային վիզա ստանալու ընթացակարգին նման ընթացակարգ է, բայց նախատեսված է այն անձանց համար, ովքեր հայրենադարձի կարգավիճակ ստանալու համար դիմելու պահին բնակվում կամ նախկինում բնակվել են Լեհաստանում: Հայրենադարձ ճանաչվելու դիմումը քննում է Լեհաստանում բնակության համար նախատեսված վայրի իրավասու վոյևոդի կողմից: Օտարերկրացուն որպես հայրենադարձ ճանաչելը հանգեցնում է Լեհաստանի քաղաքացիության ձեռքբերմանը՝ հայրենադարձ ճանաչելու մասին որոշումը կայացնելու օրը, եթե այդ որոշումը վերջնական է դարձել:

Հայրենադարձ ճանաչելու համար պահանջվում է համապատասխանել “Հայրենադարձության մասին” օրենքում նշված պայմաններին՝ առանձին՝ անձանց առանձին կատեգորիաների համար՝

1. Հայրենադարձների ամուսինները ( «Հայրենադարձության մասին» օրենքի 16 հոդ․ պարբ․ 2a)
2. Անձինք, ովքեր մնացել են Լեհաստանում մշտական կացության թույլտվության կամ բնակության թույլտվության կամ մշտական բնակության իրավունքի հիման վրա և ունեն եկամտի աղբյուր և օրինական իրավունք՝ Լեհաստանում բնակելի տարածք զբաղեցնելու համար ( «Հայրենադարձության մասին» օրենքի 16 հոդ․ պարբ․ 2)
3. Անձինք, ովքեր մնացել են Լեհաստանում ՝ իրենց ուսումնառության հետ կապված տրված թույլտվության հիման վրա ( «Օտարերկրացիների մասին» օրենքի 144 — րդ հոդված) կամ կացության իրավունքի մասին, որը նշված է օրենքի հոդ․ 16 պարբ․ 1 կետ 3-ում, “Լեհաստանի Հանրապետության տարածք մուտք գործելու, Եվրոպական միության անդամ պետությունների քաղաքացիների և նրանց ընտանիքների անդամների գտնվելու և այդ տարածքից մեկնելու մասին” 2006 թվականի հուլիսի 14 — ի օրենք (Օր․ Ժ․ առ 2021 թ․ կետ 1697) — հոդ. 16 պարբ․ 1, «Հայրենադարձության մասին» օրենք

Իրավական հիմք՝

” “Հայրենադարձության մասին” 2000 թ ․ նոյեմբերի 9 — ի օրենքի 16 հոդված, մ․տ ․ Օր ․ Ժ․ առ 7412022 կետ 1105.

Տեղեկատվությունն ակտուալ է ըստ՝ 2024 թվականի հուլիսի 25-ի դրությամբ:

Պորտալի խմբագրական թիմը գործադրում է բոլոր ջանքերը, որպեսզի ներկայացված բովանդակությունը համապատասխանի օրենքին, լինի արդիական (հրապարակման ամսաթվի դրությամբ՝ նշված յուրաքանչյուր ենթաէջում) և օգտակար օգտատերերի համար:

Վերապահում ենք, որ կայքում տեղադրված բովանդակությունը միայն տեղեկատվական նպատակներով է և միայն ընդհանուր առմամբ ներկայացնում է բարձրացված հարցերի էությունը: Դրանք առանձին դեպքերում իրավական խորհրդատվություն կամ կարծիք չեն հանդիսանում և չպետք է լինեն միակ հիմքը կոնկրետ իրավական խնդիրների լուծման վերաբերյալ որոշումների համար: Անհատական իրավաբանական օգնություն ստանալու համար անհրաժեշտ է խորհրդատվություն ստանալ որակավորված անձանցից: